طبخات الطوارئ في أقل من نصف ساعة ومجربة

السلام عليكم

شخباركم يابنوتات ياحلوات بما اني انا اللي افتتحت الموضوع يعني محد حط قبلي في ركن الطبخ

باحط لكم الحين طبخات سهله وسريعه حق وقت الطوارئ يلا استانسو بنوتات تشققو موبس البنوتات حتى المتزوجات الله يسلمكم الحين بعد بنات متزوجات مايعرفون يطبخون الحمدلله والشكر هههه <<< سكتي من فضلج

ترى كلش ماقصد نفسي هههه <<< الاعتراف بالحق فضيله

يلا مابي اطول عليكم بحط الموضوع لكم الحين وادعولي

كم مرة دقت عليج صديقتج وقالت أنا في الطريق لبيتك.. أو قال لج زوجك أنا يايب ضيوف بعد شوي.. كيف تتصرفين..
هاذي ملفات مجمعة من المنتديات والكتب والصديقات أنا شخصيا مجربتها أبدا مااااااااااا تفشل وترفع راسج جدام الناس وكأنج من الصبح تحضرينها.. وياريت نتعاون ...

ملفات الطوارئ- طبخات غاية في اللذاذة في أقل من نصف ساعة..
أكلات مجربة ولذيذة تبعد التفشل وترفع راسج جدام ضيوف الطوارئ.
الحلويات
(تكونين مشغلة الفرن من أول ما تدق عليج صديقتج تقول أنا ياية لمعظم الحلويات)
1- حلو النارجيل:

المقادير
كاسة ونص كورن فليكس مطحون
كاية ونص نارجين
واحد حليب مركز محلى حجم وسط
اخلطي المقادير مع بعض
وبعدين كوريها بيدك ورصيها في الطبق

2- البسكويت المقرمش السهل اللذيذ:
2- كوب دقيق أبيض
1- كوب سكر مطحون
نصف كوب لوز مطحون (يمكن الاستغناء عنه)
وسمن للعجن ( أو زبد يطلع حوالي أصبعين 113)
تعجن العجينة حتى تتماسك ثم تشكل على شكل هلال وتدخلينها الفرن الحار حوالي 350 وتخرجينها وتتركينها تبرد وترشينها بالسكر والقرفة أو الكاكاو أو نصفها كاكاو أسمر ونصفها أبيض يعني تفنني..

المقبلات:

كفتة التونة:
المقادير:
علبة تونة صغيرة مصفاة من الزيت
-2حبة بطاطس مسلوقة ومهروسة
-1بصلة مفرومة ناعما
-1ملعقة عصيرليمون
02ملعقة كزبرة مفرومة
كمون 0ملح0فلفل اسود
زيت للقلى
-للتغطية بيض0بقسماط0

الطريقة: تهرس التونة ناعمة ثم تخلط مع البطاطس والبصل-وتوضع البهارات والملح وعصير الليمون والكزبرة وتخلط جيدا وتشكل حسب الرغبة ثم تغطى بالبيض والبقسماط وتقلى بالزيت وتقدم

الدجاج مع الكريمة والتوست:المقادير
1- دجاجة 900غرام -
2- توست أبيض -
3- 2حبة بصل -
4- 4حبات جزرمبشور-
5- علبة فطر شرائح -
6- علبة ذرة -
7- علبة كريمة -
8- جبنة شيدر مبشورة -
9- 4ملاعق زيت .
الطريقة
1- تسلق الدجاجة ثم يزال الجلد والعظم وتقطع باليد لقطع صغيرة .
2- يقطع البصل لشرائح ويقلى ( يحمس ) بالزيت ثم يضاف الفطر والجزر المبشور والذرة و أخيرا الدجاج المقطع ثم يبهر ويملح حسب الرغبة.
3- تصف شرائح التوست في بايركس ( او صينية فرن ) طويلة الشكل ثم يوضع خليط الدجاج مع الخضار ثم طبقة توست ثانية .
4- تسكب الكريمة فوق التوست ثم ترش الجبنة وتدخل للفرن حتى تحمر

التوست اللذيذ بالفلافل:توست بطريقه عجيبه
المقادير :
كيس توستحبات فلافل
خس مقطع
بقصمات + بيض + زيت
ملعقة طحين + ماء لازم لعجنة
الطريقه :* يقطع حواف التوست البني ويرق قطعه قطعه بالرول
* يعجن الطحين بالماء ليصبح مسيج ويمسح به اطراف التوست ويلصق التوست كل اثنين مع بعض (((( عدم جعل مسيج ( الطحين مع الماء)داخل التوست بالمنتصف """))))))
* توضع التوست بعد ذلك بالبيض بعدها بالبقصمات وبعدها يقلى بالمقلى الموجود داخله الزيت لغاية ما يحمر
* راح نرى نتيجة القلي انتفاخ التوست الذي بالمنتصف
* عند ازالة من على النار نقطع التوسته على شكل مثلث ونحشيها فلافل مع خس

يلا هاي جزء من الطبخات السهله اذا اعجبتكم وشفت ردود بكمل
واذا ماشفت الا رد والا ردين طبعا الحشيمه والكرامه حق اللي بيردون بس ماتشجع جذي خخخ

يلا انتظر ردودكم الحلوه واستمتعو بالطبخات اللذيذه

الله الله ع الطبخات

بنجربهم وبنجوف خخخخخخخخ

تسلمين حبيبتي عالموضووع

بانتظار جديدج

تسلمييين ونه حزن
بس انا ويني وين المطبخ هههه زين بعد ادله

تسلموا يدكم على الوصفات الحلوه yes